九龍城區體育會
比賽勝負關鍵除咗落喺球員進攻同入球外，守門員都係另一個關鍵因素。九龍城隊正選守門員1號顔晉謙，雖然都係今季先加入球隊訓練，但實力不容忽視，過去幾場賽事都交出優秀表現。
顔晉謙Perry形容自己係較遲開始踢波嘅人，中一先開始接觸有系統訓練，隨後加入校隊及區隊青年軍。結束青年軍訓練後，改為效力浸大足球隊及參與丙組聯賽，一直都係以守門員身分參賽。
至於點解會揀做龍門，原來係因為當初覺得龍門唔使點跑，無咁辛苦。對於自己近期表現，Perry認為，因為有龍門教練針對性及專門動作訓練，令自己表現較為穩定，相比上一個球季亦有進步。
佢坦言，球隊仍然有唔少進步空間，亦明白球員之間需要時間磨合，期望能夠喺未來日子，同其他球員一齊做出好成績。
•••••••••••••••••••••••••••••••••••••••••••••••••••••••••••••••••
【個人檔案🧍🏻♂️】
姓名：顔晉謙 （Perry）
位置：守門員
球衣號碼：01
出生日期：01/11/1998 （23歲）
身高：175cm
體重：77kg
速度：⚽️⚽️⚽️◯◯
射門：⚽️⚽️⚽️◯◯
傳球：⚽️⚽️⚽️◯◯
盤球：⚽️◯◯◯◯
防守：⚽️⚽️⚽️⚽️⚽️
體能：⚽️⚽️⚽️◯◯
Comments