【香港甲組足球聯賽 第3週 | 駿英九龍城0:0中西區】
- 九龍城區體育會
- 2022年10月17日
- 讀畢需時 1 分鐘
甲組聯賽踏入第3週，駿英九龍城主場迎戰中西區，兩隊互有攻守、爭持激烈，中西區雖然連翻出撃，但在駿英九龍城後防嚴密看管，兩隊最終0:0握手言和，造就佳聯元朗以三戰全勝升上榜首。
賽前站於榜首位置的駿英九龍城，今場遇上同樣兩場不敗的中西區，上演「榜首大戰」，兩隊都強陣出擊力爭榜首，賽事亦吸引半百球迷到現場支持。
今場中西區明顯有爭勝意欲，但開波5分鐘就出現少意外，黃緯傑與中西區許宏鋒爭頂後撞到鼻樑傷出，換入戴思聰頂替。21分鐘中西區有埋門機會。許宏鋒左路大禁區外嘗試大腳一射，撞到九龍城球員，布蘭克再補射被門將鍾偉豪接實。中西區上半場另一次機會落入倒戈相向的蔡欣翰頭上，安基斯斬入禁區，蔡欣翰頭槌接應，可惜中眉，雙方保持0:0完半場。
換邊後4分鐘，林雲傑開出罰球斬到小禁區頂，鍾偉豪甩手，盧斯安奴嘗試窩利，但犯規被球證吹停。九龍城下半場明顯增加射門攻勢，先有蕭志豪54分鐘右路接應後推到大禁區試射但不果，劉家銘1分鐘後同樣位置大腳抽射亦未能破網。雙方即使換入後備球員都未能攻破對方防線，最終兩隊互交白卷，各得一分。
直播重溫:
Facebook: https://fb.watch/gbzTGbI2Ck/
YouTube: https://youtu.be/Nt4G0Vb_Z-E
「記得訂閱 九龍城區體育會 HKKCDSA YouTube Channel，嚟緊仲會有比賽精華睇」
Comments