九龍城區體育會足球直播團隊主持兼評述 - Coman仔

九龍城區體育會


 


球場重新開放,我哋嘅直播團隊都準備好再同大家見面。襯仲未有比賽,就等直播團隊入面,經浸大專業足球評述員指導-新星培訓計劃加入嘅 #Coman仔 回顧一下上半季球場上嘅所見所聞啦。

Coman仔係香港新一代網絡創作人,年半前起開始擔任主持及評述,做過體育節目主持,再嘗試為電競受足球評述。

「以前較少接觸香港足球既評述,今季有幸透過浸大同駿英九龍城嘅評述員指導計劃,獲得為香港波評述嘅機會,初嘗評述工作,不過因為原本能力同經驗不足,要好多謝沙皮sir嘅提攜」。

佢憶述自己由細到大其實都有諗過做足球員,「自問踢波唔叻,所以打消呢個念頭,但估唔到而家竟然可以換一個身份,以一個評述員嘅身份接觸到香港球圈。」

「除咗港超聯賽事外,香港其他組別足球比賽都未有直播評述。今季駿英九龍城直播部分乙組聯賽,無疑能夠令更多人關注香港波,促進香港足球發展。」佢希望未來幾年會有更多港甲、乙、丙組聯賽直播,呢個都可能係香港波未來發展趨勢。

今季甲乙丙組好多前港超球員加盟,增添左唔少色彩。不過Coman就曾經被前輩問到對本地球員嘅熟悉程度,「其實我每次講波前都會準備好長時間,第一次正式做評述就用咗全日做資料搜集準備,不過講多幾次就開始熟啲球員,亦都有私底下有搵佢地吹水,了解佢哋多啲。」

5 次查看0 則留言