聯賽盃 C組分組賽 | 駿英九龍城 3:1 觀塘

九龍城區體育會


 

聯賽暫停近四個月,駿英九龍城聯賽盃首場迎戰觀塘。兩隊相隔半年再次碰頭,明顯受封場影響,球員體力及整隊能力都有所下降。

開波初段駿英九龍城力壓在前半場進攻,並帶領比賽節奏,上半場7分鐘獲得角球機會,葉澄峰開到前柱,皮球流到新加盟九龍城的黃澤勤「西芹」腳上,大禁區頂第一時間彈地抽射,皮球直飛龍門左邊死角,以一球「世界波」射成1:0,此球亦是他首代表九龍城上陣即取得入球。臨完半場前5分鐘,觀塘盧俊賢接應隊友傳波,近底線以個人之力擺脫防守球員射入,完半場前拉平手。

休息過後,兩隊加快比賽節奏,56分鐘駿英九龍城組織新一輪攻勢,易志豪中場控球在腳後,轉入左路傳給許宏鋒,嘗試射門但被撲出,張煒星緊接補射亦未能破網,但觀塘仍然未能解圍。皮球再一次傳到許宏鋒腳上,看準龍門右下方空位射入,領先2:1。

75分鐘發生小插曲,駿英九龍城開出罰球後,旁證舉旗示意越位,不過主球證未有吹停,旁證收回旗幟後九龍城射入,最後球證經商討後推翻入球。完場前5分鐘駿英九龍城再有進將,下半場換入的李駿謙接應陳思朗罰球,尾柱頂入,以3:1全取首場小組賽3分。

直播重溫:https://fb.watch/di_wwhUsps/

#聯賽盃 #C組 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球


6 次查看0 則留言