球員介紹

九龍城區體育會


 


疫情打亂唔少人原來計劃,球員亦都首當其衝受影響。球場被封,球賽暫停,球員亦被迫減少訓練。中場U22球員鄧匡延就借呢段期間,飛到英國探屋企人,以Zoom連繫香港,一邊繼續上大學課堂,同時不受當地防疫政策限制下做體能訓練。

留意開本地足球相信對鄧匡延嘅名字唔會陌生,上半季為駿英九龍城交出好成績,以6個入球位列射手榜第三位。佢過住亦曾經以青年軍身分跟隨傑志、東方等球會,喺港大修讀會計及金融學期間加入校隊,其後獲教練賞識加盟港超球隊理文。

提到疫情期間生活,匡延最初都有繼續做gym,但後期防疫政策收緊,佢就決定借呢段時間去英國探屋企人。佢提到喺英國雖然依然未有常規踢波訓練,不過每星期都有6日會做運動,相比喺香港係「返回正軌」。

乙組比賽五月有望復賽,球隊亦會隨即開始重新訓練,但匡延預計自己暑假先會返港,今季餘下比賽就未必參與到。不過佢對隊友好有信心,「如果五月可恢復下半季未完成的聯賽,相信隊友都有能力保持成績,幫球隊升班。」

雖然未能夠參與餘下賽事,但匡延心態都好樂觀,「唔怕球隊內會有競爭,因為下年我已經唔係U22球員,都要適應汰弱留強嘅環境,最緊要係裝備好自己。」

___________________________

PERSONAL PORTFO

姓名 | 鄧匡延

位置​ | 中場

球衣號碼 | 7

出生日期 | 07/07/2000(21歲)

身高 | 175cm

體重 | 62kg

#駿英九龍城 #九龍城 #乙組 #足球 #KCDSA #香港足球 #鄧匡延 #中場

17 次查看0 則留言

最新文章

查看全部