球員簡介

九龍城區體育會



【球員簡介⚽️💁🏻‍♂️】


球季嚟到尾聲,唔少球員都喺比賽場上交出進攻同入球,其中有一個名字,相信大家唔會陌生,佢就係28號兼隊長張煒星。


張煒星(阿星)同大部分球員一樣,都係因為參加學校校隊而接觸足球。中二踢學界比賽時,被挑選加入成為U13香港代表隊,一直效力至U22。其間亦有加入南華及橫濱FC青年軍,進入大學後,亦代表香港大學出戰大專聯賽。


擔任隊長一職,阿星坦言當初對教練揀選自己「有啲驚訝」。然而隊長職位對佢亦係一種挑戰。阿星透露,自己過往喺其他球隊未擔任過隊長,最初加入九龍城亦只係打算踢下波,但因為隊長嘅身分,而家對球隊嘅態度亦變得更上心。


球季接近尾聲,阿星認為球隊對比開季時有好大分別,自守門員教練董浩然及教練駱韋年加入後,球隊有更準確的訓練方向,同時亦令球員可以更投入球隊當中。


對於球隊未來,阿星認為要短期內升至甲組有相當困難,雖然佢相信現時球隊內球員能力高,但同時亦要面對練習不足的實際問題。佢希望未來可以有更老練的球員加入,帶領球隊。同時亦希望自己作為隊長,可以為球隊營造良好氣氛,讓大家可以開心踢波。

•••••••••••••••••••••••••••••••••••••••••••••••••••••••••••••••••

【個人檔案🧍🏻‍♂️】

姓名:張煒星

位置:​前鋒

球衣號碼:28

出生日期:22/1/1998 (23歲)

身高:183cm

體重:75kg



速度:⚽️⚽️⚽️◯◯

射門:⚽️⚽️⚽️⚽️⚽️

傳球:⚽️⚽️⚽️⚽️◯

盤球:⚽️⚽️⚽️⚽️⚽️

防守:⚽️⚽️◯◯◯

體能:⚽️⚽️⚽️◯◯


#九龍城 #乙組 #足球 #足總 #前鋒 #張煒星 #隊長 #28號


30 次瀏覽0 則留言

最新文章

查看全部

賽馬會青少年足球聯賽 U13C組聯賽九龍城2:1勝東區

九龍城區體育會 16-7-2021 青少年足球聯賽U13C組聯賽第六場,東區對九龍城。 比賽於四時正打響。第一節九龍城陷入被動,後防在犯錯下被罰12碼,儘管守門員勇救12碼下化解危機,不過其後被對方邊路傳中球攻入一球,第一節一球落後。 第二節,九龍城在調動後加強了邊路的威脅,並製造了多球入球機會,但在前鋒把握不佳及對方守門員力挽狂瀾,未能扳平比數。 最後一節,球隊為了加強進攻力度,設置兩名前鋒攻堅