九龍城區體育會
有留意上星期愉園同九龍城踢友誼賽，必定會聽過今日介紹球員嘅名字。佢就係隊友口中，跑贏對方兩個後衛嘅葉澄。
身穿27號球衣嘅葉澄，自中一開始加入港青，期間曾經分別效力港超聯球隊東方及飛馬。不過因為要應付公開試，期間一度暫停訓練，直至入讀大學後再返回球場，代表港大，並參與乙組賽事。
加入九龍城接近一季，葉澄表示已經大致適應球隊運作，佢特別提到守門員教練董浩然加入球隊後嘅變化。原來葉澄早喺中學時期已經認識董Sir。佢直言，因為董Sir了解佢嘅個人能力，加上同年輕球員熟落，即使董Sir喺球隊中負責訓練守門員，亦能夠協助整隊安排更適合嘅練習，讓佢喺比賽場上有更好發揮。
除咗足球，葉澄同時亦要兼顧全職工作，抽空閒時間訓練同比賽絕對唔簡單。佢希望球隊未來會有更多好球員加入，加強訓練強度，提高球隊能力。同時自己能夠繼續踢波，將過去訓練得到嘅技術，再一次喺球場上發揮。
•••••••••••••••••••••••••••••••••••••••••••••••••••••••••••••••••
【個人檔案🧍🏻♂️】
姓名：葉澄
位置：前鋒
球衣號碼：27
出生日期：04/02/1996 （25歲）
身高：176cm
體重：72kg
速度：⚽️⚽️⚽️⚽️⚽️
射門：⚽️⚽️⚽️⚽️◯
傳球：⚽️⚽️⚽️◯◯
盤球：⚽️⚽️⚽️⚽️◯
防守：⚽️⚽️⚽️◯◯
體能：⚽️⚽️⚽️⚽️◯
