九龍城區體育會
要數球隊中嘅爸爸級球員，一定會提起易志豪(阿釘)。阿釘曾經擔任香港五人足球代表隊成員，全職效力過甲組球隊流浪，亦為元朗及南區升班。今季由凱景轉會加入駿英九龍城。
喺開季後先加入九龍城，阿釘直言因為留意到駿英九龍城規模，以至唔同方面都有心發展，希望自己加入球隊協助升班，令更多地區球隊升上甲組聯賽，同時將自身嘅經驗帶俾新一代年輕球員。
要兼顧照顧家庭同小朋友嘅責任，阿釘都特別提到九龍城有地區球隊優勢。喺固定場地進行恆常練習，一方面可以保持球場上水準，同時更容易安排時間享受家庭樂，「湊小朋友都方便啲」。
面對下半季比賽，阿釘估計其他球隊參考九龍城上半季表演後，將會以防守為主，採取多元化進攻。喺自己負責嘅位置上，阿釘期望教練會有更多針對處理角球同罰球嘅訓練，目標做到個人全季交出10個入球、10個助攻，球隊下半季以全勝之態升班。
___________________________
PERSONAL PORTFO
姓名 | 易志豪 (阿釘)
位置 | 進攻中場
球衣號碼 | 77
出生日期 | 9/1/1988（34歲)
身高 | 178cm
體重 | 72kg
