九龍城區體育會 九龍城今季重整旗鼓，除咗有唔少甲組球員加盟外，亦吸引到部分過往曾效力九龍城嘅球員回流，陳思朗就係其中一人。思朗過往除咗效力九龍城同花花外，亦都喺2019年以外援身份到澳門參與乙丙組聯賽。 思朗受沙皮Sir邀請下今季重回九龍城踢左右閘，經過上半季試練，最初以不敗升班作為目標，但結果未如預期所料，暫時以10勝1和1負排榜首。思朗就抱樂觀心態：「無話贏晒嘅，總會有意外」，認為最緊要係大家有盡力。 疫情下球場被封，對於球員都有好大影響，特別係出戰足總盃初級賽嘅一班球員。思朗提到，盃賽頭兩場賽事都勝出令球員心態更強，但賽事延期會令心態放慢，球員亦都未必可以保持最好狀態，「無得練波就要靠自己個人自律，可能落街跑下步。」 雖然疫情下重賽仍然無期，但對於駿英九龍城球員嚟講依然會以升班作為目標。思朗希望失球數字可以控制喺10球內，自己就以「盡量做多啲助攻，唔俾人咁容易打穿位」作為目標，希望球隊下半季可以不敗升班。 _________ PERSONAL PORTFO 姓名 | 陳思朗 (思朗) 位置​ | 左右閘 球衣號碼 | 92 出生日期 | 1

九龍城區體育會 球隊有好表現，教練絕對係功不可沒。當中就有專責為駿英九龍城守門員進行訓練嘅董浩然教練。球員出身嘅馬騮sir，曾效力流浪、晨曦、元朗、凱景等球隊，後來加入南區擔任龍門教練，及後受男拔萃書院足球隊邀請，擔任門將訓練工作。 加入駿英九龍城後，馬騮sir繼續專注守門員訓練，同時積極為球隊物色有潛質球員，提升球隊質素。 #董浩然 #教練 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 要數球隊中嘅爸爸級球員，一定會提起易志豪(阿釘)。阿釘曾經擔任香港五人足球代表隊成員，全職效力過甲組球隊流浪，亦為元朗及南區升班。今季由凱景轉會加入駿英九龍城。 喺開季後先加入九龍城，阿釘直言因為留意到駿英九龍城規模，以至唔同方面都有心發展，希望自己加入球隊協助升班，令更多地區球隊升上甲組聯賽，同時將自身嘅經驗帶俾新一代年輕球員。 要兼顧照顧家庭同小朋友嘅責任，阿釘都特別提到九龍城有地區球隊優勢。喺固定場地進行恆常練習，一方面可以保持球場上水準，同時更容易安排時間享受家庭樂，「湊小朋友都方便啲」。 面對下半季比賽，阿釘估計其他球隊參考九龍城上半季表演後，將會以防守為主，採取多元化進攻。喺自己負責嘅位置上，阿釘期望教練會有更多針對處理角球同罰球嘅訓練，目標做到個人全季交出10個入球、10個助攻，球隊下半季以全勝之態升班。 ___________________________ PERSONAL PORTFO 姓名 | 易志豪 (阿釘) 位置​ | 進攻中場 球衣號碼 | 77 出生日期 | 9/1/1988（34歲) 身高 | 17

九龍城區體育會 九龍城區體育會嘅教練團陣容強大，其中總教練劉棟平（沙皮Sir）就係前香港足球代表隊守門員。 紅褲子出身，16歲開始第一次接觸足球運動，以玩票性質與同班同學投考當年被譽為全港最優秀的青年隊伍 - 愉園青年軍。在無心插柳的情況下，獲得一紙三年職業學徒合約。經過球隊半年有系統訓練後，在青年軍及預備組賽事中表現優異，更獲得香港青年代表隊垂青，連續兩年代表香港出戰U18亞洲青年錦標賽。 中學畢業後，19歲正式開始其職業足球生涯，並轉會東方擔任甲組後備門將（現稱港超聯），八三年轉投班霸精工。在精工期間亦曾以正選身份出戰亞洲冠軍球會盃作客對北韓。八五年，代表花花出戰全港室内五人足球賽，在紅磡室內體育館一萬二千名觀眾呐喊下，奪得首個個人最佳球星獎項，同年亦代表足球項目競選第一屆香港傑出運動員。退休前，更獲頒香港足球明星選舉最佳11人獎。曾出席國際賽事：包括：省港盃、滬港盃、賀歲盃、亞冠盃、亞洲盃、漢城奧運會及世界盃外圍賽。 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 封場前最後一課操練，駿英九龍城同中大足球隊嘅球員進行咗一場友誼賽，希望疫情可以盡快穩定，重返球場踢波啦！🏃🏻⚽️ #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 入球名單 射門 | 助攻 | 分鐘 章偉鎽 | 葉澄峰 | 49‘ 許宏鋒 | - | 67’ 葉澄峰 | - | 86' ___________________________ MATCH STAT 東區　　 駿英九龍城 52% 控球率 48% 13 射門 15 7 射中 8 1 入球 3 5 角球 1 3 黃牌 1 1 紅牌 0 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 駿英九龍城喺26號參加咗足總盃初級賽，以4:0嬴九龍木球會。 入球名單 射門 | 助攻 | 分鐘 李駿謙 | 葉澄峰 | 6‘ 俞永康 | 許宏鋒 | 83’ 俞永康 | - | 85 許宏鋒 | 汪雙財 | 88’ ___________________________ MATCH STAT 九龍木球會　　 駿英九龍城 41% 控球率 59% 3 射門 14 0 射中 8 0 入球 4 1 角球 9 1 黃牌 0 1 紅牌 0 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 駿英九龍城昨日進行上半季最後一場賽事，於九龍仔公園對車路士足球學校(香港)。主力球員彭超然及汪雙財因被罰紅牌缺陣，九龍城今場作出調動，以輪換方式派出李駿謙、葉澄峰、章偉鎽等幾位球員擔任正選陣容。開局13分鐘，U22李駿謙把握進攻期間門前混亂，冷靜處理空門入網，射成1:0。 17分鐘，許宏鋒接應葉澄峰底線傳中，門前頭槌頂入。12分鐘後，雙人照板煮碗再組織攻勢，葉澄峰底線扭過對方球員後，大腳一抽傳到禁區前，許宏鋒梅開二度射入今場第二球。臨完半場前，蕭志豪左路左腳底線傳中，對方解圍失誤，鄧匡延窩利抽射，令九龍城半場領先4:0。 下半場13分鐘，換入的U22俞永康接應鄧匡延，推入禁區後短傳給李駿謙，李駿謙越過對方門將近柱射入，九龍城領先至5:0。74分鐘，葉澄峰再開出角球，蕭志豪補射入網。臨完場前，李駿謙禁區被對方球員撞底搏到十二碼，自己主射入網，完成帽子戲法，駿英九龍城以7:0完成今場賽事，並以31分繼續暫列榜首位置。 直播重溫：https://fb.watch/a02uD-ATHS/ #爭取升班 #駿英九龍城 #九龍城 #九龍城區體育

九龍城區體育會 駿英九龍城重拾士氣，以7:0勝出今場。 入球名單 射門 | 助攻 | 分鐘 李駿謙 | - | 13’ 許宏鋒 | 葉澄峰 | 17‘ 許宏鋒 | 葉澄峰 | 29’ 鄧匡延 | 蕭志豪 | 41’ 李駿謙 | 俞永康 | 58’ 蕭志豪 | - | 74’ 李駿謙 | - | 84’ ___________________________ MATCH STAT 駿英九龍城　　車路士足球學校(香港) 68% 控球率 32% 23 射門 4 13 射中 1 7 入球 0 7 角球 1 0 黃牌 1 0 紅牌 0 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 正選陣容： 01 守門員 鍾偉豪 23 後衛 蕭志豪 13 後衛 戴思聰 06 後衛 黃緯傑 92 後衛 陳思朗 18 防中 章偉鎽 77 中場 易志豪 07 中場 鄧匡延 12 前鋒 許宏鋒 21 前鋒 李駿謙 10 前鋒 葉澄峰 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 面對上場對手一開波嘅高壓迫攻勢，駿英九龍城喺今個星期恆常訓練都有加強球員進入狀態嘅速度。上場比賽交出入球嘅前鋒張煒星表示，教練噚日針對比賽節奏進行訓練，喺熱身同練習都強調球員需要加快進入狀態。 阿星透露，噚日訓練包括當對手進行高壓迫攻勢時球隊嘅應對方法，亦都有練習當對手「硬淨迫搶」可以點樣用身體做對抗，制衡對手。佢又提到，由於未來幾場都有主力球員需要停賽，亦有隊友受傷，相信將會有更多U22球員可以落場，教練都希望一班小將可以把握機會表現自己。 佢又提到主教練沙皮Sir期望球隊喺之後比賽再有進步，將每一場比賽當盃賽咁踢，唔好睇小任何對手，亦都提醒球員喺比賽前要有充足休息，期待大家落場時候交出100%，甚至200%表現。 _____ NEXT MATCH 香港乙組足球聯賽 第13週 駿英九龍城 vs 車路士足球學校(香港) 19/12/2021 13:30 九龍仔公園1號場 #爭取升班 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 駿英九龍城今季以升班作為目標，曾效力晨曦、愉園等球會嘅汪雙財喺過去幾季都一直以協助球隊升班作為大方向，遊走喺唔同球隊之中，而今季就受駱教練邀請，轉戰九龍城。 財仔以往踢開前鋒，轉到九龍城後改踢右翼，對於位置改變，加上一開始同隊友未建立到默契，令到佢喺季初頭3至4場比賽無咗目標。諗返呢段適應期，財仔提到幾個人嘅幫助，令佢加快融入球隊踢法，「駱Sir同Madam知道我未慣，幫我加強做射門訓練」、「宏鋒知道我踢右邊唔順，幾場主動同我交換位置」、「超然帶動到球隊進步」。 由球會轉到地區球隊，固定練波場地同充足訓練資源，除咗更加有效令球員技術提升，亦令財仔透過練波同友誼賽更深入認識隊友。佢亦特別提到，感謝一班教練同工作人員喺球隊背後嘅付出，希望下半季能夠同隊友有更好表現回饋大家。 ___________________________ PERSONAL PORTFO 姓名 | 汪雙財 位置​ | 翼鋒 球衣號碼 | 17 出生日期 | 01/08/1993（27歲) 身高 | 175cm 體重 | 62kg #駿英九龍城 #九龍城 #乙組

九龍城區體育會 乙組足球聯賽昨日進行第12週賽事，駿英九龍城於青衣東北公園作客對葵青。九龍城與葵青開局勢均力敵，26分鐘葵青一次射門期間，門將鍾偉豪犯規被罰黃牌，葵青射入十二碼。3分鐘後，葵青球員長傳到禁區，隊友接應再次射入，領先至2:0。 32分鐘，隊長彭超然傳送期間發生碰撞被罰紅牌，九龍城以10人繼續應戰。上半場完場前3分鐘，葵青近禁區位置獲得罰球機會，葵青球員頂入，令九龍城上半場落後3球。 駿英九龍城下半場重整旗鼓，61分鐘，許宏鋒傳中後，對方球員頂出，但張煒星把握機會嘗試射門，中柱彈入為九龍城追回一球。16分鐘後九龍城再有攻勢，鄧匡延左路嘗試傳中，葵青球員錯誤頂入，烏龍球將比數拉近至3:2。九龍城其後亦繼續有攻勢，但未有進帳，最終以3:2完成今場賽事，下場將會對車路士足球學校(香港)。 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 入球名單 射門 | 助攻 | 分鐘 張煒星 | - | 61’ - | - | 74‘ (烏龍球） ___________________________ MATCH STAT 葵青 　　　駿英九龍城 37% 控球率 63% 7 射門 11 4 射中 5 3 入球 2 4 角球 4 4 黃牌 2 0 紅牌 2 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球

九龍城區體育會 正選陣容： 01 守門員 鍾偉豪 23 後衛 蕭志豪 13 後衛 戴思聰 06 後衛 黃緯傑 05 後衛 陳政希 07 防中 鄧匡延 77 中場 易志豪 84 中場 彭超然 12 前鋒 許宏鋒 09 前鋒 張煒星 92 前鋒 陳思朗 #爭取升班 #駿英九龍城 #九龍城 #九龍城區體育會 #乙組 #男子足球隊 #足球 #KCDSA #香港足球