球員簡介 | 中堅 | 戴思聰

九龍城區體育會


 


球隊中不乏球員同時擔任青少年足球教練,後衛主力戴思聰就係其中一個。思聰過去曾經效力港超球隊,加上一路以嚟擔任教練嘅經驗,今季嚟到駿英九龍城亦喺球隊中充當帶領嘅角色,平日嘅操練都會由佢帶大家做熱身。

之前都提到今季加入嘅球員嚟自五湖四海,思聰就話因為呢個情況,自己有特別同年輕球員傾多啲,「可能大家會有唔同踢法,所以都會同佢哋傾多啲唔同情況應該做啲咩。」

九龍城過去幾場比賽都以4-3-3陣式岀戰,超過一半賽事都做到零失球,思聰覺得能夠做到咁嘅成績係因為後防4人互相了解大家能力,加上隊友對佢「提場」嘅信任先能夠做到,佢希望淨底四場賽事保持到零失球,完成季初訂落「半季最多5個失球」嘅目標。

對於駿英九龍城下季升班嘅目標,思聰固然有信心,但佢估計下半個球季,其他球隊會對九龍城有針對性部署,面對嘅挑戰會更大,「希望自己同隊友都好好準備,唔好停留喺度」。

___________________________

PERSONAL PORTFO

姓名 | 戴思聰 (思聰)

位置​ | 中堅

球衣號碼 | 13

出生日期 | 25/10/89(31歲)

身高 | 174cm

體重 | 68kg

#駿英九龍城 #九龍城 #乙組 #足球 #KCDSA #香港足球 #戴思聰 #後衛

85 次查看0 則留言