球員簡介 | 俞永康

九龍城區體育會


 

【球員介紹】

今次介紹嘅係隊中另一位U22球員俞永康,年紀輕輕但已經跟過甲組球隊操練,甚至代表香港出戰亞洲少年足球錦標賽。原來佢自8歲開始加入傑志,喺有系統嘅訓練中成長。直至18歲轉會到北區參與乙組聯賽,期間亦外借到聖約瑟,而今季就加入九龍城。

球隊積極投放資源培訓年輕球員,令Dicky好珍惜每次上場機會。不過佢坦言上半季有幾場表現都未如理想,只係做到普通發揮,認為「自己要keep住進步,唔係好就好易俾人爬頭。」

要不段進步,隊友嘅提醒都好重要,九龍城隊中經驗較豐富嘅球員都會經常提點新人。Dicky記起季初正選上陣難免怯場,一方面因為對自己有要求希望做到最好,同時又驚組織攻勢時候出錯,令到球隊失波,但其他球員都會分享喺球場上可以點樣做,提醒佢唔使咁緊張。

停賽接近3個月,教練團都一改訓練方式,早前就喺Zoom同球員見面,為球員設計個人化訓練計劃,Dicky希望透過訓練計劃,喺疫情期間維持以往體能水平,到復賽時候有預期發揮。

___________________________

PERSONAL PORTFO

姓名 | 俞永康

位置​ | 進攻中場

球衣號碼 | 11

出生日期 | 21/3/2000(21歲)

身高 | 183cm

體重 | 70kg

#駿英九龍城 #九龍城 #乙組 #足球 #KCDSA #香港足球 #俞永康 #進攻中場



34 次查看0 則留言

最新文章

查看全部