球員簡介 - 李駿謙

九龍城區體育會


 


年輕球員佔多一直都係駿英九龍城嘅特點,隊中亦有唔少出色嘅U22球員獲得正選機會上場比賽。啱啱22歲生日嘅前鋒李駿謙喺上半季就有5球進帳,實力不容忽視。

由中一開始踢波,曾經入選香港青年隊嘅李駿謙阿Jay,受小時候認識嘅駱教練邀請加入九龍城。得到教練信任令阿Jay喺今季做出優秀表現,但面對封場加上下半季有新球員加入,身為U22球員之一嘅阿Jay有擔憂。

因為長時間封場,阿Jay坦言少郁動好難保持狀態,就連喺大學用開嘅訓練場地都無埋就更難做體能訓練。同時球隊下季將會有更多年輕球員加入,U22正選位置競爭將會更激烈。

佢補充,因為乙組聯賽每場都需要派只少兩名U22球員擔任正選,當教練有更多球員選擇時,可能會喺風險較低嘅閘位選用U22球員,而前鋒就留俾有經驗球員,自己作為前鋒嘅出賽機會亦會受影響。

雖然競爭將會更激烈,但阿Jay認為九龍城球隊上下一心,隊友許宏鋒嘅幫助同期望亦都令佢有動力繼續進步,希望封場期間盡力保持狀態,球場重開時候用最好姿態回饋球隊。

___________________________

PERSONAL PORTFO

姓名 | 李駿謙 (Jay)

位置​ | 前鋒

球衣號碼 | 21

出生日期 | 21/2/2000(22歲)

身高 | 178cm

體重 | 75kg

#駿英九龍城 #九龍城 #乙組 #足球 #KCDSA #香港足球 #李駿謙 #前鋒 #U22

15 次查看0 則留言

最新文章

查看全部