香港乙組足球聯賽第13週 | 駿英九龍城 vs 車路士足球學校(香港)

九龍城區體育會

面對上場對手一開波嘅高壓迫攻勢，駿英九龍城喺今個星期恆常訓練都有加強球員進入狀態嘅速度。上場比賽交出入球嘅前鋒張煒星表示，教練噚日針對比賽節奏進行訓練，喺熱身同練習都強調球員需要加快進入狀態。

阿星透露，噚日訓練包括當對手進行高壓迫攻勢時球隊嘅應對方法，亦都有練習當對手「硬淨迫搶」可以點樣用身體做對抗，制衡對手。佢又提到，由於未來幾場都有主力球員需要停賽，亦有隊友受傷，相信將會有更多U22球員可以落場，教練都希望一班小將可以把握機會表現自己。

佢又提到主教練沙皮Sir期望球隊喺之後比賽再有進步，將每一場比賽當盃賽咁踢，唔好睇小任何對手，亦都提醒球員喺比賽前要有充足休息，期待大家落場時候交出100%，甚至200%表現。

_____

NEXT MATCH

香港乙組足球聯賽第13週

駿英九龍城 vs 車路士足球學校(香港)

19/12/2021 13:30

九龍仔公園1號場

最新文章